ﻛﺎﻥ ﻓﻴﻪ ﺑﻨﻮﺗﺔ ﺻﻐﻴﺮﺓ ﻋﺎﻳﺸﺔ ﻣﻊ ﺑﺎﺑﺎﻫﺎ
ﻭﻣﺎﻣﺘﻬﺎ ﻓﻰ ﺳﻼﻡ .. ﻟﻜﻦ ﻓﻰ ﻭﻗﺖ ﻣﻦ
ﺍﻷﻭﻗﺎﺕ ﺗﻌﺐ ﺑﺒﺎﻫﺎ ﻭﻣﺎﺕ ... ﻭﺑﻌﺪﻩ ﺑﺴﻨﺔ
ﺗﻘﺮﻳﺒﺎً ﻣﺎﺗﺖ ﻛﻤﺎﻥ ﻣﺎﻣﺘﻬﺎ ... ﺣﺎﺟﺔ ﺻﻌﺒﺔ ﺍﻭﻯ ..
ﻋﺸﺎﻥ ﺗﺸﻜﺮﻭﺍ ﺭﺑﻨﺎ ﻳﺎ ﺣﺒﺎﻳﺒﻰ ﺍﻟﺤﻠﻮﻳﻦ ﻋﻠﻰ
ﺑﺎﺑﺎ ﻭﻣﺎﻣﺎ ..
ﺍﻟﺒﻨﺖ ﺑﻘﺖ ﻭﺣﺪﻫﺎ ﻭﻟﻸﺳﻒ ﻣﻔﻴﺶ ﻗﺮﺍﻳﺐ ..
ﺗﺮﻭﺡ ﻟﻤﻴﻦ ؟ ﻃﻠﻌﺖ ﺍﻟﺸﺎﺭﻉ ﺗﻄﻠﺐ ﺍﻟﻤﺴﺎﻋﺪﺓ
ﻣﻦ ﺍﻟﻨﺎﺱ ﻭﺗﺸﺤﺖ ﻋﺸﺎﻥ ﺗﺎﻛﻞ ﻭﺃﺣﻴﺎﻧﺎ ﻛﺎﻧﺖ
ﺗﺒﻴﻊ ﻛﺒﺮﻳﺖ ﻋﺸﺎﻥ ﺗﺎﻛﻞ ﻣﻦ ﺗﻤﻨﻪ .. ﻭﻋﺪﺕ
ﺍﻷﻳﺎﻡ ﺑﻄﺮﻳﻘﺔ ﺻﻌﺒﺔ ﻭﻫﻰ ﻣﺴﻜﻴﻨﺔ ﻭﺣﻴﺪﺓ
ﺟﻌﺎﻧﺔ ﻣﺶ ﻻﻗﻴﻪ ﻣﻜﺎﻥ ﺗﻨﺎﻡ ﻓﻴﻪ ... ﻟﻜﻦ
ﺗﻌﺮﻓﻮﺍ ﻫﻰ ﻛﺎﻧﺖ ﺑﺘﻌﻤﻞ ﺣﺎﺟﺔ ﺣﻠﻮﺓ ﺍﻭﻯ
ﻣﺎﻣﺘﻬﺎ ﻋﻠﻤﺘﻬﺎﻟﻬﺎ .. ﺗﻌﺮﻓﻮﺍ ﺍﻳﻪ ؟ ﻛﺎﻧﺖ ﺑﺘﺼﻠﻰ
ﻭﺑﺘﻜﻠﻢ ﺍﻟﺮﺏ ﻳﺴﻮﻉ ﻭﺑﺘﺤﻜﻴﻠﻪ ﻋﻠﻰ ﺣﺎﻟﻬﺎ
ﻭﻇﺮﻭﻓﻬﺎ .. ﻟﻜﻦ ﺟﻪ ﺍﻟﺸﻴﻄﺎﻥ ﻳﻘﻮﻟﻬﺎ : ﺃﻧﺘﻰ
ﻏﻠﻄﺎﻧﺔ ﺍﺯﺍﻯ ﺑﺘﺼﻠﻰ ؟ ﺭﺑﻨﺎ ﻣﺶ ﺑﻴﺤﺒﻚ .. ﻫﻮ
ﻟﻮ ﺑﻴﺤﺒﻚ ﻛﺎﻥ ﺣﻄﻚ ﻓﻰ ﺍﻟﻈﺮﻭﻑ ﺩﻯ ؟!
ﺧﻠﻴﻜﻰ ﻣﻌﺎﻳﺎ ﻭﺃﻧﺎ ﺃﺩﻳﻜﻰ ﺍﻟﻠﻰ ﺃﻧﺘﻰ ﻋﺎﻳﺰﺍﻩ ...
ﻟﻜﻦ ﻫﻰ ﻛﺎﻧﺖ ﺑﻨﻮﺗﺔ ﺷﺎﻃﺮﺓ ﺍﻭﻯ ﺭﻓﻀﺖ
ﺗﺴﻤﻊ ﻛﻼﻣﻪ ﻭﻓﻀﻠﺖ ﺗﺼﻠﻰ ﻭﺗﻜﻠﻢ ﺍﻟﺮﺏ
ﻳﺴﻮﻉ ..
ﻭﺑﻌﺪ ﺃﻳﺎﻡ ﺟﻪ ﻋﻴﺪ ﺍﻟﻤﻴﻼﺩ .. ﻭﻟﻴﻠﺔ ﺍﻟﻌﻴﺪ ﻛﻞ
ﺍﻟﻨﺎﺱ ﻓﺮﺣﺎﻧﺔ ﻭﻻﺑﺴﻪ ﺟﺪﻳﺪ ﻭﺑﺘﺎﻛﻞ ﺃﻛﻞ
ﺟﻤﻴﻞ .. ﻭﻫﻰ ﺗﻌﺒﺎﻧﺔ ﺑﺘﻠﻒ ﺍﻟﺸﻮﺍﺭﻉ ﺗﺒﻴﻊ
ﺍﻟﻜﺒﺮﻳﺖ .. ﻭﻫﻰ ﻣﺎﺷﻴﺔ ﻗﺎﺑﻠﻬﺎ ﻭﺍﺣﺪ ﺳﺄﻟﻬﺎ
ﺑﺘﺤﺒﻰ ﺍﻟﺮﺏ ﻳﺴﻮﻉ .. ﺭﺩﺕ ﻋﻠﻴــﻪ : ﺑﺤﺒﻪ ﺍﻭﻯ ..
ﻓﻘﺎﻟﻬﺎ ﻃﻴﺐ ﻃﻠﺒﺘﻰ ﺍﻳﻪ ﻣﻨﻪ ﻫﺪﻳﺔ ﻟﻠﻌﻴﺪ ؟
ﻓﺮﺩﺕ ﻋﻠﻴﻪ ﻭﻗﺎﻟﺖ ﻟﻪ : ﺃﻧﺎ ﻣﺶ ﻋﺎﻳﺰﻩ ﻓﻠﻮﺱ
ﻭﻻ ﺃﻛﻞ ﻭﻻ ﻫﺪﺍﻳﺎ ﻛﺘﻴﺮ ﺯﻯ ﻛﻞ ﺍﻟﻨﺎﺱ .. ﺃﻧﺎ
ﻃﻠﺒﺖ ﻣﻦ ﺍﻟﺮﺏ ﻳﺴﻮﻉ ﻳﻜﻮﻥ ﻋﻨﺪﻯ ﺑﺎﺑﺎ ﻭﻣﺎﻣﺎ
ﻳﺤﺒﻮﻧﻰ ﻭﺃﻋﻴﺶ ﻣﻌﺎﻫﻢ .. ﻭﺑﻌﺪﻳﻦ ﻗﻌﺪﺕ
ﺗﺪﻭﺭ ﻋﻠﻰ ﺍﻟﺮﺍﺟﻞ ﺍﻟﻠﻰ ﻛﺎﻥ ﺑﻴﻜﻠﻤﻬﺎ ﻟﻘﻴﺘﻪ ﻣﺶ
ﻣﻮﺟﻮﺩ ﺍﺧﺘﻔﻰ .. ﺍﺳﺘﻐﺮﺑﺖ ﺍﻭﻯ ﻣﻦ ﺍﻟﻤﻮﻗﻒ
ﻟﻜﻦ ﻛﻤﻠﺖ ﻃﺮﻳﻘﻬﺎ ﻋﺸﺎﻥ ﺗﺒﻴﻊ ﺍﻟﻜﺒﺮﻳﺖ ﻭﺗﺠﻴﺐ
ﺑﺎﻟﻔﻠﻮﺱ ﺣﺎﺟﺔ ﺗﺎﻛﻠﻬﺎ .
ﻓﻰ ﺍﻟﻮﻗﺖ ﺩﻩ ﻳﺎ ﺣﺒﺎﻳﺒﻰ ﻛﺎﻥ ﻓﻴﻪ ﺭﺍﺟﻞ ﻭﻣﺮﺍﺗﻪ
ﻓﻰ ﻋﺮﺑﻴﺘﻬﻢ ﺭﺍﺟﻌﻴﻦ ﻣﻦ ﺍﻟﻜﻨﻴﺴﺔ ﻟﻴﻠﺔ ﺍﻟﻌﻴﺪ
ﻭﻣﺮﺍﺗﻪ ﺑﺘﺒﻜﻰ ﻓﺴﺄﻟﻬﺎ ﺟﻮﺯﻫﺎ ﺑﺘﺒﻜﻰ ﻟﻴﻪ ؟ ﻫﻮ
ﻓﻴﻪ ﺣﺪ ﺑﺮﺿﻮﺍ ﻟﻴﻠﺔ ﺍﻟﻌﻴﺪ ﻳﺒﻜﻰ ؟ ﺍﻟﻤﻔﺮﻭﺽ
ﺗﻜﻮﻧﻰ ﻓﺮﺣﺎﻧﺔ .. ! ﻗﺎﻟﺖ ﻟﻪ : ﻛﺎﻥ ﻧﻔﺴﻰ ﻳﻜﻮﻥ
ﻋﻨﺪﻧﺎ ﻃﻔﻞ ﻧﻔﺮﺡ ﺑﻴﻪ ﻭﻳﻔﺮﺡ ﺑﻴﻨﺎ ... ﻭﺃﻧﺖ ﻋﺎﺭﻑ
ﺍﻧﻨﺎ ﻣﺶ ﻫﺎﻧﺠﻴﺐ ﺃﻃﻔﺎﻝ .. ﻟﻜﻦ ﺃﻧﺎ ﺻﻠﻴﺖ ﻓﻰ
ﺍﻟﻜﻨﻴﺴﺔ ﺍﻥ ﺭﺑﻨﺎ ﻳﺪﻳﻨﺎ ﻃﻔﻞ .
ﻭﻫﻤﺎ ﺑﻴﺘﻜﻠﻤﻮﺍ ﻋﺪﻭﺍ ﺑﺎﻟﻌﺮﺑﻴﺔ ﻋﻠﻰ ﺍﻟﺒﻨﻮﺗﺔ
ﺍﻟﺼﻐﻴﺮﺓ ﺑﻄﻠﺔ ﺣﻜﺎﻳﺘﻨﺎ ﺍﻧﻬﺎﺭﺩﻩ ... ﻓﻨﺰﻝ ﺍﻟﺮﺍﺟﻞ
ﻳﺸﻮﻓﻬﺎ ... ﻭﻗﺎﻟﻬﺎ : ﺍﻧﺘﻰ ﺑﺘﻌﻤﻠﻰ ﺍﻳﻪ ﻓﻰ ﺍﻟﻮﻗﺖ
ﺍﻟﻤﺘﺄﺧﺮ ﺩﻩ ﺑﺮﻩ ﺍﻟﺒﻴﺖ ؟ ﻗﺎﻟﺖ ﻟﻪ: ﻣﻤﻜﻦ ﺗﺸﺘﺮﻯ
ﻣﻨﻰ ﻛﺒﺮﻳﺖ ؟ .. ﻓﺎﺩﺍﻫﺎ ﻓﻠﻮﺱ ﻭﻗﺎﻟﻬﺎ ﺧﻠﻰ
ﺍﻟﻜﺒﺮﻳﺖ ﻣﻌﺎﻛﻰ .. ﺍﻟﻔﻠﻮﺱ ﺩﻯ ﺍﻟﻌﻴﺪﻳﺔ
ﺑﺘﺎﻋﺘﻚ .. ﻧﺰﻟﺖ ﻣﺮﺍﺗﻪ ﻣﻦ ﺍﻟﻌﺮﺑﻴﺔ ﻭﻗﺎﻟﺖ ﻟﻬﺎ :
ﺣﺒﻴﺒﺘﻰ ﺭﻭﺣﻰ ﺑﻴﺘﻚ ﻋﺸﺎﻥ ﺍﻟﺠﻮ ﺑﺮﺩ ﻋﻠﻴﻜﻰ ..
ﻓﺮﺩﺕ ﺍﻟﺒﻨﺖ ﻣﻔﻴﺶ ﻋﻨﺪﻯ ﺑﻴﺖ .. ﻓﺴﺄﻟﻮﻫﺎ
ﻓﻴﻦ ﺑﺎﺑﺎﻛﻰ ﻭﻣﺎﻣﺘﻚ .. ﻗﺎﻟﺖ ﻟﻬﻢ ﻣﻔﻴﺶ
ﻣﺎﺗﻮﺍ .. ﻃﻴﺐ ﻋﺎﻳﺸﻪ ﻣﻊ ﻣﻴﻦ ؟ ﻭﺣﺪﻯ ﻓﻰ
ﺍﻟﺸﺎﺭﻉ ... ﺑﺼﺖ ﺍﻟﺰﻭﺟﺔ ﻟﺰﻭﺟﻬﺎ ﻭﻗﺎﻟﺖ ﻟﻪ
ﻣﻌﻘﻮﻝ ﺍﻟﻠﻪ ﺍﺳﺘﺠﺎﺏ ﻃﻠﺒﺘﻰ .. ﻣﻌﻘﻮﻝ ﺍﻟﻠﻪ
ﺳﻤﻌﻨﻰ ﻭﺑﻌﺖ ﻟﻰ ﺍﻟﺒﻨﺖ ﺩﻯ ﻫﺪﻳﺔ ﺍﻟﻌﻴﺪ ..
ﺗﻴﺠﻰ ﻳﺎ ﺣﺒﻴﺒﺘﻰ ﻣﻌﺎﻧﺎ ﻭﺗﻜﻮﻧﻰ
ﺑﻨﺘﻨﺎ ؟؟؟؟؟؟؟؟ ﺑﺼﺖ ﻟﻬﻢ ﺍﻟﺒﻨﺖ ﻭﻗﺎﻟﺖ
ﻟﻬﻢ .. ﺃﻧﺎ ﺻﻠﻴﺖ ﻭﻃﻠﺒﺖ ﻣﻦ ﺍﻟﻠﻪ ﻫﺪﻳﺔ ﺍﻟﻌﻴﺪ ﺍﻧﻪ
ﻳﻜﻮﻥ ﻋﻨﺪﻯ ﺑﺎﺑﺎ ﻭﻣﺎﻣﺎ ﻭﺍﻟﺮﺏ ﻳﺴﻮﻉ ﺳﻤﻊ
ﺻﻼﺗﻰ .
ﻓﻬﻤﺘﻮﺍ ﻳﺎ ﺣﺒﺎﻳﺒﻰ ﻃﺒﻌﺎ ﺃﻗﺼﺪ ﺍﻳﻪ ﻣﻦ ﺍﻟﺤﻜﺎﻳﺔ
ﺩﻯ .. ﺷﻔﺘﻮﺍ ﺃﺩ ﺍﻳﻪ ﺍﻟﺮﺏ ﺣﻠﻮ ﻭﻃﻴﺐ .. ﻋﺮﻓﺘﻮﺍ
ﺍﻧﻪ ﺑﻴﺴﻤﻊ ﺍﻟﺼﻼﺓ ﻭﺑﻴﺴﺘﺠﻴﺐ ﻃﻠﺒﺎﺗﻨﺎ ... ﻋﺸﺎﻥ
ﻛﺪﻩ ﺍﺣﻔﻆ ﻣﻌﺎﻳﺎ ﺍﻵﻳﺔ ﺍﻟﺠﻤﻴﻠﺔ ﺩﻯ ﺍﻟﻠﻰ ﺑﺘﻘﻮﻝ:
"ﻭﻛــــــــــﻞ ﻣــــــــــﺎ ﺗﻄﻠﺒﻮﻧـــــــــــــــﻪ
ﻓـــــــــــﻰ ﺍﻟﺼــــــــــــــــــﻼﺓ
ﻣﺆﻣﻨﻴـــــــــــــــــــــــــــﻦ ﺗﻨﺎﻟﻮﻧـــــــــ
ـــــــــــــﻪ) "ﻣﺘـــــــــــــــــﻰ (22 : 21